TürkPA Türkiyədə keçirilən referendumu yüksək qiymətləndirir

“Türkiyə Respublikasında Konstitusiyaya əlavələrə dair baş tutan referendum Türkiyənin milli qanunvericiliyinə və beynəlxalq standartlara müvafiq olaraq həyata keçirilmişdir” - deyə TürkPA müşahidə heyətinin, Azərbaycan Milli Məclisinin üzvü cənab Əhliman Əmiraslanov 16 aprel 2017-ci il tarixində Türkiyə Respublikasının Konstitusiyasına dəyişiklərin nəticələri əsasında baş tutmuş mətbuat konfransında bildirmişdir. Qısa müddətli müşahidə ərzində Azərbaycan, Qazaxıstan, Qırğızıstan və Türkiyə parlament üzvlərindən ibarət müşahidəçilər Ankarada bir sıra səsvermə məntəqələrində olmuş, səsvermə və səslərin hesablanmasını izləmişdir. Əvvəlcə isə TürkPA nümayəndə heyəti Yüksək Seçim Kurulunun sədri cənab Sadi Güvən, AK Parti və əsas müxalifət Cümhuriyyət Xalq Partiyası rəsmiləri ilə görüşmüşdür.