TÜRKPA-nın fəaliyyətdə olan sədri Katibliyi ziyarət edib

12 iyul 2023-cü il tarixində Azərbaycan Respublikasına rəsmi səfəri çərçivəsində TÜRKPA-nın fəaliyyətdə olan sədri, Türkiyə Böyük Millət Məclisinin sədri Numan Kurtulmuşun rəhbərlik etdiyi nümayəndə heyəti Katibliyi ziyarət etmişdir. Parlament sədrini Türkiyədən olan parlamentarilər və hər iki ölkənin səfiri müşayiət etmişdir. Spiker TÜRKPA Baş katibi Mehmet Süreyya Er tərəfindən qarşılanmışdır. Fəaliyyətdə olan sədr Katibliyin binası və iş şəraiti ilə tanış olmuş, eləcə də Katibliyin daxili həyət sahəsində ağacəkmə mərasimində iştirak etmişdir.