TÜRKPA Əmmanda keçirilən parlament təlim proqramında iştirak edib

4-5 noyabr 2025-ci il tarixlərində Qazaxıstan Respublikası Parlamenti Senatının deputatı, TÜRKPA-nın İqtisadi əməkdaşlıq komissiyasının üzvü Nurlan Bekenov və komissiya katibi Bauırjan Datkayevdən ibarət TÜRKPA nümayəndə heyəti İordaniya Haşimilər Krallığının Əmman şəhərində keçirilmiş “Terrorizm və zorakı ekstremizm məqsədləri üçün süni intellekt və yeni texnologiyalardan istifadənin qarşısının alınması və onlara qarşı mübarizə tədbirləri” mövzusunda parlament təlim proqramında iştirak edib. Birləşmiş Millətlər Təşkilatının Terrorla Mübarizə İdarəsinin Terrorizmin Qarşısının Alınması və Onunla Mübarizə üzrə Parlament İştirakı Proqram Ofisi tərəfindən Qətər Dövləti Şura Məclisinin dəstəyi, həmçinin Aralıq Dənizi Parlament Assambleyası və İordaniya Haşimilər Krallığı Senatı ilə əməkdaşlıq çərçivəsində təşkil olunan tədbirdə Bəhreyn, Bosniya və Herseqovina, Kipr, İordaniya, Qazaxıstan, Liviya, Mavritaniya, Fələstin, Portuqaliya, Rumıniya, Serbiya, Slovakiyadan olan parlamentarilər, eyni zamanda TÜRKPA, Ərəb Parlamentlərarası Birliyi, Afrika Parlament İttifaqı, Ərəb Parlamenti, Cənub-Şərqi Asiya Ölkələri Assosiasiyası Parlamentlərarası İttifaqı, Parlamentlərarası İttifaq, Müstəqil Dövlətlər Birliyinin iştirakçısı olan dövlətlərin Parlamentlərarası Assambleyası kimi parlament assambleyalarının nümayəndələri daxil olmaqla 60-a yaxın iştirakçını bir araya gətirən tədbir Birləşmiş Millətlər Təşkilatının Terrorla Mübarizə İdarəsi, BMT-nin İnsan Hüquqları üzrə Ali Komissarlığının Ofisi və BMT Təhlükəsizlik Şurasının Terrorla Mübarizə Komitəsi İcra İdarəsi, eləcə də BMT-nin orqanları tərəfindən idarə olunub. Açılış mərasimində İordaniya Haşimilər Krallığı Senatının sədri Faysal Əl-Fayez, Aralıq Dənizi Parlament Assambleyası Baş katibi, Terrorizmə Qarşı Mübarizə üzrə Parlament Assambleyalarının Koordinasiya Mexanizminin sədri səfir Serjio Piazzi və Qətər Dövləti Şura Məclisinin deputatı Əhməd bin Həməd Əlmohanadi çıxış ediblər. İki günlük tədbir “Süni intellekt və Yeni Texnologiyalar – Birləşmiş Millətlər Təşkilatının Terrorla Mübarizə İdarəsinin Perspektivləri”, “Süni intellekt anlayışı: Terrorizmə qarşı mübarizə və Zorakı Ekstremizmin qarşısının alınması üçün imkanlar, risklər və nəticələr”, “Təhlükəsizlik Şurası və yeni texnologiyalar: Süni intellektlə əlaqəli təhdidlərin həllində Terorla Mübarizə üzrə İcra İdarəsinin rolu”, “Yeni texnologiyaların həllində parlamentlərin rolu”, “Beynəlxalq və Regional Hüquqi Çərçivələr”, “İnsan Hüquqları və Humanitar Mülahizələr”, “Milli Qanunvericilik tədbirləri və Qabaqcıl Təcrübələr”, “Parlament Nəzarəti və Hesabatlılığı” və “Model Qanunların Çərçivəsinə Doğru” mövzularda panel sessiyalardan ibarət olub. Təlim, terrorizm və zorakı ekstremizm kontekstində süni intellekt və yeni texnologiyaların yaratdığı təhdidlər və imkanlar barədə məlumatlılığın artırılmasına, yaxşı təcrübələrin paylaşılmasına və qanunvericilik və nəzarət üçün əsas prinsiplərin hazırlanmasına yönəlmiş, eyni zamanda beynəlxalq insan hüquqları qanunlarına, beynəlxalq humanitar hüquqa və BMT Təhlükəsizlik Şurasının müvafiq qətnamələrinə riayət olunmasının təşviq edilməsinə yönəlib. İştirakçılar terrorizmə qarşı mübarizə və fövqəladə hallara qarşı mübarizə sahəsində süni intellekt və yeni texnologiyaların istifadəsini tənzimləyən qanunvericilik aktlarını hazırlanması, nəzərdən keçirilməsi və qiymətləndirilməsi potensiallarını gücləndirilməsi, hökumətlərin və təhlükəsizlik orqanlarının terrorizmə qarşı mübarizədə süni intellekt və rəqəmsal texnologiyalardan necə istifadə etdiyini araşdırmaq üçün alətlər və yanaşmalar hazırlamaqla nəzarət funksiyalarının gücləndirilməsi, şəffaflığın, hesabatlılığın və fundamental hüquqların qorunmasının təmin edilməsi, təsirlənmiş icmaların narahatlıqlarının milli siyasətlərdə əks olunmasını təmin etmək üçün hüquqlara əsaslanan və vətəndaşa yönəlmiş yanaşmaları təşviq etməklə təmsilçi rollarının gücləndirilməsi imkanlarını müzakirə ediblər. Tədbir parlamentarilər və parlament assambleyalarının nümayəndələrinə bilik, yaxşı təcrübələr və qarşılıqlı gücləndirici yanaşmalar mübadiləsi aparmaq məqsədilə təlim mövzusu üzrə regional dialoq və parlamentlərarası əməkdaşlığın asanlaşdırılması imkanı yaradıb.