Hüquq Məsələləri və Beynəlxalq Əlaqələr Komissiyasının iclası keçirilmişdir

TÜRKPA-nın Hüquq Məsələləri və Beynəlxalq Əlaqələr Komissiyasının növbədənkənar iclası TÜRKPA-nın 9-cu Plenar İclası çərçivəsində 18 dekabr 2019-cu ildə Azərbaycan Respublikası Milli Məclisində keçirilmişdir. Komissiya sədri və Türkiyə Böyük Millət Məclisinin üzvü cənab İsmet Uçmanın sədrliyi ilə keçirilmiş iclasda üzv ölkələrdən millət vəkilləri iştirak etmişdir. Komissiya 9-cu Plenar İclasa təqdim edilməsi üçün Reqlament, Katibliyin Əsasnaməsi kimi yenidən işlənmiş hüquqi sənədləri, eləcə də TÜRKPA-nın Seçki Müşahidəsinin Əsasnaməsi və Qeyri-maddi mədəni irsinin qorunması və Turizmə dair iki model qanun layihəsini müzakirə edərək təsdiq etmişdir.