Baş katib və Türkiyənin Qızıl Aypara Cəmiyyətinin sədri Qırğız Respublikasındakı vəziyyəti müzakirə ediblər

6 may 2021-ci il tarixində baş katib Altınbek Mamayusupov Türkiyənin Qızıl Aypara Cəmiyyətinin sədri Kerem Kınık ilə görüşüb. Tərəflər qırğız-tacik münaqişəsini və sərhəd toqquşmalarından sonrakı mövcud vəziyyəti müzakirə edib və bu kontekstdə Türkiyənin yardımı ilə bağlı fikir mübadiləsi aparıblar. Görüş zamanı Türkiyənin Qızıl Aypara Cəmiyyəti heyətinin yaxın günlərdə münaqişə ərazisinə gedəcəyi və zərərçəkmişlərə humanitar yardımın göstərilməsi üçün zəruri vəsaitin toplanması məqsədilə kampaniyanın davam etdiyi qeyd olunub. Sədr humanitar yardımın bir qisminin yaxın zamanda göndəriləcəyini bildirmişdir.