Baş katib TBMM Spikeri vә digәr rәsmilәrlә görüşmüşdür

19 dekabr, 2018-ci ildə Türkiyə Böyük Millət Məclisinin Spikeri və TÜRKPA-nın fəaliyyətdə olan sədri cənab Binali Yıldırım Ankarada səfərdə olan Baş katib Altınbek Mamayusupovu qəbul etmişdir. Tərəflər TÜRKPA-nın TBMM Sədrliyi çərçivəsində həyata keçiriləcək fəaliyyətləri müzakirə etmiş, eləcə də təşkilatın məqsəd və vəzifələri haqqında fikir mübadiləsi aparmışdır. Bundan əlavə, Ankaraya səfəri zamanı Baş katib TBMM-in Xarici İşlər Komitəsinin sədri cənab Volkan Bozkır, TBMM-in Aparat Rəhbəri cənab Mehmet Ali Kumbuzoğlu və Türkiyə Xarici İşlər Nazirinin müavini cənab Yavuz Selim Kıran ilə görüşmüşdür.