Baş katib Milliyyətçi Hərəkat Partiyasının (MHP) sədri ilə görüşüb

24 oktyabr 2025-ci il tarixində Ankarada Baş katib, səfir Ramil Həsən Milliyyətçi Hərəkat Partiyasının (MHP) sədri və Türkiyə Böyük Millət Məclisinin üzvü cənab Devlet Bahçeli ilə görüşüb. Cənab Həsən cənab Bahçeliyə Parlament Assambleyasının fəaliyyəti, hazırki təşəbbüslər və üzv parlamentlər arasında daha sıx əməkdaşlığın təmin olunmasına yönəlmiş gələcək tədbirlər barədə məlumat verib. Baş katib, həmçinin Xarici İşlər Nazirlikləri, Türk Dövlətləri Təşkilatı və türk dövlətlərinin parlamentləri arasında əməkdaşlığın daha da gücləndirilməsi ilə bağlı öz fikirlərini bölüşüb. Cənab Bahçeli təşəkkürünü bildirərək TÜRKPA-nın fəaliyyətinin və institusional potensialının daha da inkişaf etdirilməsinə yönəlmiş fikirləri və təklifləri yüksək qiymətləndirib və bu sahədə tam dəstək nümayiş etdirib. Görüş zamanı tərəflər dövlətlər arasında parlamentlərarası əməkdaşlığın gücləndirilməsi və TÜRKPA-nın türk dünyasında həmrəylik və ortaq dəyərlərin təşviqi platforması kimi rolunun artırılması məsələlərini müzakirə ediblər. Baş katibi görüşdə onun müavinləri Talgat Aduov və Muhammet Alper Hayali müşayiət ediblər.