Bakı Türk Dövlətlərinin Diaspor Gənclərinin I Forumuna ev sahibliyi edib

26 sentyabr 2023-cü il tarixində Baş katib Mehmet Süreyya Er Azərbaycan Respublikasının Diasporla İş üzrə Dövlət Komitəsinin Türk Dövlətləri Təşkilatının tərəfdaşlığı ilə təşkil etdiyi “Türk Dövlətlərinin Diaspor Gənclərinin I Forumu: Heydər Əliyev və Türk dünyası” adlı forumda çıxış edib. Forum Azərbaycanda “Heydər Əliyev İli” çərçivəsində keçirilib. Tədbirdə Azərbaycanın dövlət rəsmiləri, Qazaxıstan, Qırğızıstan, Türkiyə, Özbəkistan, Türkmənistan, Macarıstan, Şimali Kipr Türk Respublikasının nümayəndə heyətləri, səfirlər və beynəlxalq təşkilatların nümayəndələri iştirak edib. İki gün davam edən forum birgə bəyanatın qəbul edilməsi ilə başa çatıb.