Azərbaycan Parlamentinin sədri TÜRKPA Katibliyini ziyarət edib
Tarix
Baxış
3
23 sentyabr 2022-ci il tarixində Azərbaycan Respublikası Milli Məclisinin sədri Sahibə Qafarova Katibliyi ziyarət edib. Parlament sədri Baş katib Mehmet Süreyya Er və Katibliyin əməkdaşları tərəfindən qarşılanmışdır. Xanım Sahibə Qafarova müşayiət edən nümayəndə heyəti və Katibliyin heyətinin iştirakı ilə iclas keçirmişdir.
Türk dünyasında parlamentlərarası əməkdaşlığın inkişafında Assambleyanın rolunu yüksək qiymətləndirən xanım Qafarova Azərbaycan Parlamentinin onun fəaliyyətlərini dəstəkləməyə davam etməyə hazır olduğunu ifadə etmişdir. Öz növbəsində, Baş katib Mehmet Süreyya Er Katibliyin aktiv fəaliyyəti üçün Milli Məclis tərəfindən göstərilən bütün dəstəyə görə minnətdarlığını bildirmişdir.
Həmçinin sədrin ziyarət proqramı Katiblik binasında gəzinti və daxili həyət sahəsində ağacəkmə mərasimində iştirakı əhatə etmişdir.
Fotoqalereya
