Türkiyə Cumhuriyyəti Atatürkü Anma, Gənclik və İdman Bayramı

19 May - Atatürkü Anma Günü, Gənclik və İdman Bayramı Türkiyənin İstiqlaliyyət müharibəsinin başlanmasını xatırladan, eləcə də idman və mədəniyyət tədbirləri ilə ölkə gənclərini şərəfləndirən milli bayramıdır. 1919-cu il mayın 19-da Mustafa Kamal Atatürkün Samsuna gəlişi milli azadlıq mübarizəsinin başlanmasının əsasını qoyan bir dönüş nöqtəsinə çevrilmişdir. Türk Dövlətləri Parlament Assambleyası (TÜRKPA) Atatürkü Anma Günü, eləcə də Gənclik və İdman Bayramı münasibətilə Türkiyə Respublikası və qardaş türk xalqına səmimi təbriklərini çatdırır.