Türk Mədəniyyəti və İrsi Fondunun yaradılması günü

Türk Mədəniyyəti və İrsi Fondunun yaradılması Azərbaycan Respublikası Prezidentinin təşəbbüsü, Qazaxıstan, Qırğızıstan və Türkiyə prezidentlərinin dəstəyi ilə Türk Şurasının (indiki Türk Dövlətləri Təşkilatı) 23 avqust 2012-ci il tarixində Bişkekdə keçirilən Zirvə Görüşündə qərara alınıb. Türk dünyasının görkəmli şəhəri Bakıda yerləşən Fond türk xalqlarının sənətkarlıq, folklor, tarix, ədəbiyyat və digər mədəniyyət sahələrində irsinin qorunub saxlanması, inkişafı, möhkəmləndirilməsi və təbliği istiqamətində fəaliyyətini davam etdirməkdədir. TÜRKPA ailəsi olaraq türk əməkdaşlığının ayrılmaz tərkib hissəsini təşkil edən Türk Mədəniyyəti və İrsi Fondunun yaradılmasının 12-ci ildönümünü səmimi qəlbdən təbrik edirik.