10 noyabr — Atatürkü Anma Günü

10 noyabr 1938-ci il tarixi bütün türk dünyası üçün matəm günüdür. Türk Dövlətləri Parlament Assambleyası (TÜRKPA) olaraq, Türkiyə Cümhuriyyətinin banisi Qazi Mustafa Kamal Atatürkü vəfatının 87-ci ildönümündə minnətdarlıq, ehtiram və dualarla yad edirik. Atatürkün “Yurdda sülh, cahanda sülh” şüarı və milli birlik ruhu, Türk dövlətləri arasındakı qardaşlıq bağlarının əsasını təşkil edir. Onun bizə miras qoyduğu bu bənzərsiz irsi qorumaq və yaşatmaq əzmimiz tamdır. Ruhu şad olsun!