ТҮРКПА SOCGOV 2026 ақылды басқару жөніндегі халықаралық форумына қатысты

2026 жылғы 24 қазанда ТҮРКПА-ның Құқықтық мәселелер және халықаралық қатынастар жөніндегі комиссиясының хатшысы, доктор Кадир Яман Әзербайжан Республикасының Ханкенді қаласында Әзербайжан Республикасы Еңбек және халықты әлеуметтік қорғау министрлігіне қарасты DOST агенттігінің ұйымдастыруымен өткен «SOCGOV 2026: Ақылды басқаруға арналған цифрлық талдау» атты халықаралық форумға қатысты.

Форумға түрлі елдердің мемлекеттік органдарының өкілдері мен сарапшылары қатысып, әлеуметтік қызмет көрсету саласында жасанды интеллект пен цифрлық талдауды қолдану, мемлекеттік органдар мен азаматтар арасындағы өзара іс-қимылды жетілдіру, сондай-ақ цифрлық басқару саласындағы озық тәжірибелермен алмасу мәселелерін талқылады.

Қатысушылар Әзербайжанның әлеуметтік реформалар саласындағы жетістіктерін, ASAN Service және DOST үлгілерінің артықшылықтарын, сондай-ақ Түркияның мемлекеттік қызметтерді цифрлық трансформациялау саласындағы тәжірибесін атап өтті.

Іс-шара аясында «Жасанды интеллект және деректерге негізделген мемлекеттік басқару: мүмкіндіктер, тәуекелдер және болашақ» тақырыбында панельдік сессия өтті. Оның барысында халықаралық сарапшылар өз тәжірибелерімен бөлісіп, деректерге негізделген шешімдер қабылдау тетіктерін талқылады.

Форум қорытындысы бойынша SOCGOV бастамасын халықаралық диалог пен ынтымақтастық алаңы ретінде қолдайтын Декларация қабылданды. Декларацияда әлеуметтік саясатты қалыптастыру және іске асыру барысында сенімді деректер мен заманауи талдау құралдарын пайдаланудың маңыздылығы атап өтілді.

Сонымен қатар форум аясында «AI4DOST Social Award 2026» байқауының жеңімпаздары жарияланды. Байқауға ұсынылған 84 жобаның 20-сы финалдық кезеңге өтіп, олардың жетеуі жеңімпаз атанды.

Сондай-ақ DOST инклюзивті даму және шығармашылық орталығы құрылғанына бес жыл толуына орай Алғыс сертификатымен марапатталды.