ТҮРКПАнын миссиясы Казакстандын Тышкы иштер министринин орун басары менен жолугушту

2026-жылдын 13-мартында Азербайжан, Кыргызстан жана Түркиянын парламентарийлеринен жана ТҮРКПАнын Эл аралык Катчылыгынын өкүлдөрүнөн турган, Башкы катчы Элчи Рамил Хасан мырза менен ТҮРКПАнын Укуктук маселелер жана эл аралык мамилелер боюнча комиссиясынын төрагасы, Түркия Улуу Улуттук Жыйынынын депутаты Осман Местен мырза жетектеген ТҮРКПАнын Эл аралык референдумга байкоо жүргүзүү миссиясы Казакстан Республикасынын Тышкы иштер министринин орун басары Алибек Бакаев мырза мырза менен жолугушту.

Эл аралык референдумга байкоо жүргүзүү миссиясын жылуу тосуп алган Алибек Бакаев мырза алдыдагы кыска мөөнөттүү байкоо жүргүзүү ишине ийгиликтерди каалады. Ал миссия мүчөлөрүнө референдумга даярдык көрүү иштери тууралуу маалымат берип, бул маанилүү этаптын Казакстан эли үчүн өзгөчө мааниге ээ экенин белгиледи.

Өз кезегинде Башкы катчы Элчи Рамил Хасан мырза Алибек Бакаев мырзага жылуу кабыл алуу үчүн ыраазычылык билдирип, Казакстан элине эң жакшы каалоо-тилектерин жолдоду. Ал делегация буга чейин Казакстан Республикасынын Парламентинин Сенатынын Төрагасы Маулен Ашимбаев мырза, Казакстан Республикасынын Парламентинин Мажилисинин Төрагасы Ерлан Кошанов мырза, ошондой эле Борбордук шайлоо комиссиясынын Төрагасы Нурлан Абдиров мырза менен жолугушканын маалымдады. Ошондой эле Рамил Хасан мырза ТҮРКПАнын акыркы мезгилдеги ишмердүүлүгү тууралуу кыскача маалымат берип, Түрк мамлекеттер уюмунун (ТМУ) жана Түрк мамлекеттердин Парламенттик Ассамблеясынын (ТҮРКПА) алкагындагы өкмөттөр аралык жана парламенттер аралык процесстердин өз ара тыгыз байланышта өнүгүп жатканын белгиледи. Мындан тышкары, ал бул процесстерде тышкы иштер министрликтеринин маанилүү ролун өзгөчө белгилеп, аталган министрлик тарабынан көрсөтүлүп жаткан ар тараптуу колдоо үчүн ыраазычылыгын билдирди.

Өз кезегинде Осман Местен мырза чакыруу үчүн чын жүрөктөн ыраазычылык билдирип, боордош жана достук мамиледеги Казакстанда болуу өзгөчө сыймык экенин белгиледи. Ал ТҮРКПА 2010-жылдан бери шайлоолорго байкоо жүргүзүү миссияларын уюштуруп келе жатканын, ал эми өзү мындай миссияларга 2018-жылдан бери үзгүлтүксүз катышып жатканын айта кетти.

Ошондой эле Осман Местен мырза алдыдагы референдумдун негизги жоболорун, атап айтканда, Вице-президент кызматын кайра киргизүүнү, бир палаталуу парламенттик модель катары Курултайды түзүүнү, Казакстан Эл кеңешин түзүүнү, ошондой эле никени мамлекет тарабынан катталган эркек менен аялдын ыктыярдуу жана тең укуктуу биримдиги катары аныктоонү жогору баалады.

Мындан тышкары, Азербайжан Республикасынын Милли Межлисинин депутаты Малахат Ибрагимгызы айым жана Кыргыз Республикасынын Жогорку Кеңешинин депутаты Ырысбек Атажанов мырза да Конституциянын долбоорунда чагылдырылган бир катар негизги принциптер боюнча өз пикирлерин билдиришти.

Жолугушууга ошондой эле ТҮРКПАнын Комиссиясынын катчысы Айнура Абуталибова айым жана Түркия Улуу Улуттук Жыйынындагы ТҮРКПА делегациясынын катчысы Күршат Мелих Сарыарслан мырза катышты.