ТҮРКПА Башкы катчысы Эл аралык парламентарийлер конгрессинин Президенти менен жолугушту

2026-жылдын 26-январында Түрк мамлекеттердин Парламенттик Ассамблеясынын (ТҮРКПА) Башкы катчысы Элчи Рамил Хасан Азия Парламенттик Ассамблеянын (АПА) 16-пленардык отурумунун алкагында бир катар эки тараптуу жолугушуу өткөрдү.

Ушул алкакта биринчи жолугушуу Эл аралык парламентарийлер конгрессинин Президенти жана Иордания Хашимит Падышалыгынын Парламентинин мурдагы Төрагасынын орун басары АбдельРахим Альмаайя мырза менен өттү.

Жолугушуунун жүрүшүндө тараптар ТҮРКПА менен Эл аралык парламентарийлер конгрессинин ортосунда 2023-жылы кол коюлган Кызматташтык жана өз ара түшүнүшүү жөнүндө меморандумдун аткарылышы боюнча пикир алмашышты. Келечектеги кызматташуу мүмкүнчүлүктөрүн кеңейтүү ТҮРКПАга мүчө мамлекеттердин парламентарийлеринин жигердүү катышуусу аркылуу мындан ары да өнүктүрүлүшү мүмкүн экендиги белгиленди. Бул багытта каршы тарап Азербайжан, Казакстан, Кыргызстан жана Түркиянын парламент депутаттарынын Эл аралык парламентарийлер конгрессинин ишине кыйла активдүү катышуусуна көмөктөшүү аркылуу кызматташууну жаңы деңгээлге чыгарууга кызыкдар экенин билдирди.

Тараптар жогоруда аталган маселелер боюнча кеңири пикир алышып, Эл аралык парламентарийлер конгресси тарабынан келечектеги кызматташуунун конкреттүү механизмдерин камтыган расмий каттын ТҮРКПАнын Катчылыгына жөнөтүлүшү, ал эми ТҮРКПАнын Эларалык Катчылыгы  мүчө парламенттер менен байланышып, ар түрдүү тармактардагы өз ара кызматташуу мүмкүнчүлүктөрүн карап чыгууну макулдашуу боюнча бир пикирге келишти.

Жолугушууга ТҮРКПАнын Башкы катчысынын орун басары Мухаммет Алпер Хаяли мырза жана Протокол кызматынын жетекчиси Ядигар Маммадов мырза катышты.