Кыргыз Республикасынын Жогорку Кеңешинин Төрагасы ТҮРКПАнын Башкы катчысын кабыл алды

2026-жылдын 12-мартында Кыргыз Республикасынын Жогорку Кеңешинин Төрагасы Жогорку Кеңештин Төрагасынын кызмат ордуна шайланган Урматтуу Марлен Маматалиев Бишкек шаарында Түрк мамлекеттердин Парламенттик Ассамблеясынын (ТҮРКПА) Башкы катчысы Элчи Рамил Хасан мырзаны кабыл алды.

Башкы катчы Төрага Марлен Маматалиев мырзаны Жогорку Кеңештин Төрагасы болуп шайланышы менен куттуктап, Кыргыз Республикасы ТҮРКПАнын негиздөөчү мүчө мамлекеттердин бири экенин белгиледи жана Жогорку Кеңеш мындан ары да Ассамблеянын ишмердүүлүгүнө активдүү катышуусуна ишенимин билдирди.

Жолугушуунун жүрүшүндө Марлен Маматалиев Элчи Рамил Хасан мырза менен жолугушуп жатканына жана ТҮРКПА делегациясын Кыргыз Республикасынын Парламентинин имаратында кабыл алууга кубанычта экенин билдирип, бүгүнкү күндө Ассамблея парламенттер аралык кызматташтыкты чыңдоодо жана түрк мамлекеттердин ортосундагы өз ара ишенимди бекемдөөдө маанилүү роль ойноп жатканын белгиледи. Ошондой эле ал жаңы курамы түзүлгөн Кыргыз Республикасынын Жогорку Кеңеши ТҮРКПАнын алкагындагы кызматташтыкты улантууга жана мурда жетишилген макулдашууларды ишке ашырууга толук даяр экенин баса белгиледи.

Жогорку Кеңештин Төрагасы Парламент ТҮРКПАнын иш-чараларына активдүү катышууну улантарын жана кабыл алынган чечимдерди ишке ашыруу үчүн зарыл чараларды көрөрүн билдирди. Маматалиев мырза алдыдагы ТҮРКПА комиссияларынын жыйындарына, ошондой эле 2026-жылы Бишкек шаарында өтө турган пленардык отурумга даярдык көрүү боюнча тиешелүү тапшырмалар берилгенин белгиледи.

Өз кезегинде ТҮРКПАнын Башкы катчысы уюм тарабынан акыркы беш айдын ичинде жүргүзүлгөн иштер тууралуу кеңири маалымат берди. Ал өзгөчө ТҮРКПАнын ЕККУнун Парламенттик Ассамблеясы (ЕККУ ПА) менен байланыштарын өнүктүрүүгө багытталган демилгелерге, ЕККУ ПАда байкоочу статусун алуу боюнча жүргүзүлүп жаткан аракеттерге, ошондой эле башка эл аралык уюмдар менен кызматташтыкты кеңейтүү боюнча чараларга токтолду.

Мындан тышкары, Элчи Хасан мырза ТҮРКПАнын эл аралык байкоо жүргүзүү миссиясы Казакстанда өтө турган конституциялык реформалар боюнча референдумга катышарын жана делегация добуш берүү процессине Астана, Алматы жана Түркистан шаарларында байкоо жүргүзөрүн маалымдады. Ошону менен катар Башкы катчы Казакстанга болгон сапардын алкагында Казакстан Республикасынын Парламентинин Сенатынын Төрагасы Маулен Ашимбаев мырза жана Казакстан Республикасынын Парламентинин Мажилисинин Төрагасы, ТҮРКПАнын учурдагы Төрагасы Ерлан Кошанов мырза менен өткөрүлө турган жолугушуулар тууралуу маалымат берди.

Жолугушууда Элчи Хасан мырза ТҮРКПАга мүчө мамлекеттердин парламенттеринин төрагаларынын биринчи бейрасмий жолугушуусу 2026-жылдын 16-апрелинде Түркиянын Стамбул шаарында Парламенттер аралык биримдиктин (ПАБ) 152-Ассамблеясынын алкагында өтөрүн жана иш-чарага даярдыктар башталганын белгиледи. Ал бул демилгени ТҮРКПАга мүчө мамлекеттердин парламенттеринин ортосундагы кызматташтыкты мындан ары чыңдоого багытталган маанилүү кадам экенин баса белгиледи. Ошондой эле Элчи Хасан ТҮРКПАнын Экономикалык кызматташтык боюнча жана Айлана-чөйрө, табигый ресурстар жана саламаттыкты сактоо боюнча комиссияларынын алдыдагы жыйындары тууралуу маалымат берди.

Ушуга байланыштуу Марлен Маматалиев мырза 2026-2026-жылдын апрель айында Стамбул шаарында өтө турган парламент төрагаларынын расмий эмес жолугушуусуна катышарын ырастады. Ал ТҮРКПАнын Эл аралык Катчылыгынын ишине ийгиликтерди каалап, Кыргызстанда өтө турган ТҮРКПАнын Туруктуу комиссияларынын алдыдагы жыйындарынын маанилүүлүгүн белгиледи жана Ассамблеянын укуктук жана институционалдык негиздерин мындан ары бекемдөөгө багытталган иш-чараларды уюштуруу боюнча демилгелерди сунуштады.

Жылуу маанайдагы жолугушуу эстелик сүрөткө түшүү менен жыйынтыкталды.

Сапардын жүрүшүндө Башкы катчыны Комиссиянын катчысы Айнура Абуталибова айым жана Уюштуруу-административдик маселелер боюнча катчы Алескер Агаев мырза коштоп жүрдү.