КДЭКПА Башкы катчысы ТҮРКПА Катчылыгына келди

2021-жылдын 24-декабрында Кара Деңиз Экономикалык Кызматташтыгынын Парламенттик Ассамблеясынын (КДЭКПА) Башкы катчысы Асаф Гажиев мырза ТҮРКПА Катчылыгына келип, Башкы катчы Мехмет Сүрейя Эр мырза менен жолугушту. Башкы катчылар бири-бирине уюмдардын ишмердүүлүгү тууралуу маалымат беришип, мындан ары да өз ара активдүү кызматташтыкты улантууга ишенимдерин билдиришти. Тараптар биргелешкен долбоорлорду ишке ашыруу боюнча да пикир алмашышты. ТҮРКПА 2012-жылдан бери КДЭКПАда байкоочу статусуна ээ.