Башкы катчы ТҮРКПА комиссиясынын Төрагасы менен жолугушту

2021-жылдын 21-декабрында Башкы катчы Мехмет Сүрейя Эр мырза Милли Мажлистин Саламаттыкты сактоо комитетинин Төрагасы, ТҮРКПАнын Айлана чөйрө, табигый ресурстар жана саламаттыкты сактоо боюнча комиссиясынын Төрагасы Ахлиман Амирасланов мырза менен жолугушту. Жолугушуунун жүрүшүндө Амирасланов мырза Комиссиянын алкагында жүргүзүлүп жаткан иш-чаралар тууралуу маалымат берип, ТҮРКПАнын Катчылыгынын демилгелерине оң баа берип, келечектеги долбоорлорун колдоорун билдирди. Өз кезегинде Башкы катчы Комиссиянын ишинин маанилүүлүгүн белгилеп, Катчылыктын келечектеги пландары тууралуу маалымат берди. Тараптар Түрк тилдүү мамлекеттердин парламенттер аралык кызматташтыгынын келечеги жана 2022-жылга карата пландаштырылган иш-чаралар тууралуу пикир алмашышты.