TÜRKPA Baş katibi KKTC Cümhuriyyətçi Türk Partiyasının sədri ilə görüşüb

17 aprel 2026-cı il tarixində TÜRKPA Baş katibi cənab Ramil Həsən 5-ci Antalya Diplomatiya Forumu çərçivəsində Kuzey Kıbrıs Türk Cumhuriyetinin (KKTC) millət vəkili və Cümhuriyyətçi Türk Partiyasının sədri xanım Sıla Usar İncirli ilə görüşüb.

Görüş zamanı tərəflər KKTC-nin TÜRKPA çərçivəsində fəal müşahidəçi qismində fəaliyyəti, eləcə də təşkilatın bu istiqamətdə göstərdiyi dəstək fonunda qarşılıqlı əməkdaşlıq məsələlərini müzakirə ediblər.

Xanım Sıla Usar İncirli TÜRKPA Baş katibinə və nümayəndə heyətinə KKTC Məclisinin fəaliyyətinə göstərdikləri davamlı dəstəyə görə səmimi minnətdarlığını bildirib. O, həmçinin 5-ci Antalya Diplomatiya Forumunda iştirakından məmnunluğunu ifadə edib və Azərbaycan, Qazaxıstan, Qırğızıstan, Türkiyə və Özbəkistan parlamentləri ilə gələcək münasibətlərin daha da möhkəmləndirilməsi və inkişaf etdirilməsində TÜRKPA-nın mühüm rolunu vurğulayıb.

Öz növbəsində cənab Ramil Həsən xanım Sıla Usar İncirliyə KKTC-nin millət vəkili və Cümhuriyyətçi Türk Partiyasının sədri kimi məsuliyyətli fəaliyyətində uğurlar arzulayıb. O, TÜRKPA ilə KKTC arasındakı əməkdaşlığın gələcəkdə həm parlamentlərarası diplomatiya sahəsində, həm də müvafiq parlamentlərin üzvləri arasında inkişaf etməkdə davam edəcəyini bir daha təsdiqləyib.

Görüşdə Baş katibi müavini Muhammet Alper Hayali və Komissiya katibi Aynura Abutalibova müşayiət ediblər.