ТҮРКПА делегациясы Вена қаласында өткен ЕҚЫҰ Парламенттік Ассамблеясының Қысқы сессиясына қатысуда

Түркі мемлекеттерің Парламенттік Ассамблеясының (ТҮРКПА) Бас хатшысы, Төтенше және Өкілетті Елші Рамил Хасан мырза бастаған ТҮРКПА делегациясы 2026 жылғы 19 ақпанда Австрияның Вена қаласындағы Хофбург конгресс орталығында өз жұмысын бастаған ЕҚЫҰ Парламенттік Ассамблеясының 25-ші Қысқы сессиясына қатысуда.

Пленарлық отырыс аясында арнайы қонақ мәртебесімен қатысып отырған ТҮРКПА делегациясы Әзербайжан, Қазақстан, Қырғызстан, Түркия, Венгрия және Өзбекстан делегацияларымен кездесіп, ТҮРКПА-ның ЕҚЫҰ Парламенттік Ассамблеясында байқаушы мәртебесін алу үдерісінің барысы бойынша пікір алмасты. Сонымен қатар қажетті қолтаңбалардың жиналғаны және Қазақстан Республикасының қазіргі төрағалығы аясында ТҮРКПА-ның Халықаралық хатшылығы тарапынан тиісті рәсімдердің аяқталғаны туралы ақпарат ұсынылды.

Сонымен қатар аталған мәселені келесі кезеңде ЕҚЫҰ Парламенттік Ассамблеясының Бюросы мен Тұрақты комитетінде талқылауға шығару және ТҮРКПА-ның байқаушы мәртебесін алу бағытында нақты нәтижелерге қол жеткізу мақсатында делегациялар тарапынан бірлескен Жол картасын іске асыру туралы келісімге қол жеткізілді.

Талқылауларға ЕҚЫҰ Парламенттік Ассамблеясындағы Әзербайжан делегациясының басшысы Гая Маммадов мырза, Қазақстан делегациясы басшысының орынбасары Айнұр Арғынбекова ханым, Қырғызстан делегациясының балама мүшесі Медина Кайрылбекова ханым, Түркия делегациясының басшысы Селами Алтынок мырза, Венгрия делегациясының басшысы Аттила Тилки мырза және Өзбекстан делегациясының мүшесі Одилжон Маматкаримов мырза қатысты.

Делегация құрамында Бас хатшының орынбасары Мұхаммет Алпер Хаяли мырза, комиссия хатшысы Айнұр Абуталибова ханым және Хаттама қызметінің басшысы Ядигар Маммадов мырза бар.

ЕҚЫҰ Парламенттік Ассамблеясының Қысқы сессиясы өз жұмысын жалғастыруда.