ТҮРКПА Бас хатшысы ТҮРКПА Жас парламентшілер тобының мүшесін қабылдады

2026 жылғы 7 қыркүйекте Түркі мемлекеттерінің Парламенттік Ассамблеясының (ТҮРКПА) Бас хатшысы, Елші Рамиль Гасан Түркия Ұлы Ұлттық Мәжілісінің депутаты әрі ТҮРКПА Жас парламентшілер тобының мүшесі Эмре Чалышкан бастаған делегацияны қабылдады.

Кездесу барысында Бас хатшы парламент депутаты мен делегация мүшелеріне ТҮРКПА-ның соңғы бір жылда жүзеге асырған ауқымды жобалары мен бастамалары, Ассамблеяның атқарған жұмыстары, тұрақты комиссияларының отырыстары, сондай-ақ ТҮРКПА-ның алдағы пленарлық отырысы туралы жан-жақты ақпарат берді.

Бас хатшы ТҮРКПА аясындағы Жас парламентшілер тобының маңызды рөлін атап өтіп, қазіргі уақытта әлемде қарқынды жүріп жатқан интеграциялық үдерістер жағдайында жас парламентшілердің айрықша маңызға ие екеніне назар аударды. Ол жас парламентшілер арасындағы ынтымақтастықты одан әрі нығайту және жандандыру бауырлас мемлекеттер парламентшілерінің болашақтағы қызметіне маңызды үлес қосатынын атап өтті.

Түркия Ұлы Ұлттық Мәжілісінің депутаты әрі ТҮРКПА Жас парламентшілер тобының мүшесі Эмре Чалышкан жылы қабылдауы және жан-жақты қолдауы үшін ТҮРКПА Бас хатшысына ризашылығын білдірді.

Кездесуге сондай-ақ ТҮРКПА Бас хатшысының орынбасары Мұхаммет Алпер Хаяли, Түркия Ұлы Ұлттық Мәжілісінің Сыртқы байланыстар департаменті басшысының орынбасары Өмер Фарук Кылычкая, Сыртқы байланыстар департаментінің ТҮРКПА жөніндегі хатшысы Юнус Эмре Үнал және Шетелдегі түріктер және бауырлас қауымдастықтар жөніндегі басқармасының (YTB) қызметкері Сүмейе Йылмазтүрк қатысты.