ТҮРКПА Бас хатшысы Түркі әлемі ортопедтері одағының делегациясын қабылдады

2026 жылғы 3 қыркүйекте Түркі мемлекеттерінің Парламенттік Ассамблеясының (ТҮРКПА) Бас хатшысы, Елші Рамиль Гасан 4–5 қыркүйекте Әзербайжанда өтетін Түркі мемлекеттерінің травматологтары мен ортопедтерінің халықаралық конгресіне қатысу үшін Әзербайжан, Қазақстан, Қырғызстан, Түркия, Солтүстік Кипр Түрік Республикасы және Өзбекстаннан келген ортопедтер делегациясын қабылдады.

Кездесу барысында өзара қызығушылық тудыратын мәселелер талқыланып, ТҮРКПА Бас хатшысы қонақтарға ТҮРКПА қызметі, жүзеге асырып жатқан жобалары және алдағы жоспарлары туралы егжей-тегжейлі ақпарат берді.

Өз кезегінде, Түркі әлемі ортопедтері одағының мүшелері – Әзербайжан ортопедия қоғамының төрағасы, профессор, доктор Айдын Гахраманов, Қазақстан травматологтары мен ортопедтері қауымдастығының төрағасы, профессор, доктор Арман Батпен, Қырғыз Республикасы травматологтары мен ортопедтері қауымдастығының төрағасы, профессор, доктор Сабырбек Жұмабеков, Түркия ортопедия және травматология қоғамының төрағасы, профессор, доктор Өндер Календерер, Түркия ортопедия және травматология қоғамының Конгресті ұйымдастыру комитетінің төрағасы, профессор, доктор Берк Гүчлү (СКТР), сондай-ақ Өзбекстан Республикасы ортопедия қауымдастығының өкілі, профессор, доктор Артур Махмудов осы кездесуді ұйымдастыруға жағдай жасағаны үшін ТҮРКПА Бас хатшысына алғыстарын білдірді.

Сондай-ақ олар Түркі әлемі ортопедтері одағының жүзеге асырып жатқан жобалары мен алдағы жоспарлары, сондай-ақ Бакуде өтетін Түркі мемлекеттерінің травматологтары мен ортопедтерінің халықаралық конгресі туралы егжей-тегжейлі ақпарат беріп, Одақтың алдағы қызметіне ТҮРКПА тарапынан көрсетілетін қолдауға ризашылықтарын білдірді.

Кездесу жылы пікір алмасумен аяқталды.

Кездесуге ТҮРКПА атынан Бас хатшының орынбасары Мұхаммет Алпер Хаяли және ТҮРКПА Халықаралық хатшылығының құқықтық мәселелер бойынша қызметкері Азар Мамадов қатысты.