Түркия Республикасы Ұлы Ұлттық Мәжілісінің Төрағасы Нуман Куртулмуш ТҮРКПА Халықаралық хатшылығына барды

2026 жылғы 23 маусымда Түркия Республикасы Ұлы Ұлттық Мәжілісінің (ТҰҰМ) Төрағасы, профессор, доктор Нуман Куртулмуш Ислам ынтымақтастығы ұйымына мүше мемлекеттер Парламенттік одағы конференциясының (PUIC) 20-сессиясына қатысу мақсатында Әзербайжан Республикасына жасаған ресми сапары аясында ТҮРКПА Халықаралық хатшылығына барды.

Мәртебелі мейманды қарсы алған ТҮРКПА Бас хатшысы, елші Рамиль Гасан сапарға ризашылығын білдіріп, ТҮРКПА-ның негізін қалаушы мемлекеттердің бірі — Түркия Республикасы Парламенті Төрағасының Ұйымның Халықаралық хатшылығына сапары ерекше маңызға ие екенін атап өтті.

Бас хатшы Төрағаға ТҮРКПА-ның соңғы кезеңдегі қызметі мен жетістіктері, сондай-ақ іске асырылып жатқан жобалары мен алдағы бастамалары туралы ақпарат берді.

Өз кезегінде Төраға Нуман Куртулмуш ТҮРКПА-ның соңғы кезеңдегі жұмысы мен жетістіктеріне жоғары баға беріп, Түркия Республикасының алдағы жылдары да Ұйымға жан-жақты қолдау көрсетуді жалғастыратынын атап өтті. Сонымен қатар ол ТҮРКПА-ның алдағы қызметіне табыс тіледі.

Кездесуге ТҮРКПА Бас хатшысының орынбасарлары Талғат Адуов пен Мұхаммет Алпер Хаяли, Комиссия хатшысы доктор Кадыр Яман және құқық мәселелері жөніндегі қызметкер Азар Маммадов қатысты.

Түркия Республикасы Ұлы Ұлттық Мәжілісінің делегациясы құрамында Ыстанбұлдан сайланған Парламент депутаты (AK Parti), Түркия–Әзербайжан парламентаралық достық тобының төрағасы Шамиль Айрым; Чанаккаледен сайланған Парламент депутаты (İYİ Parti), ТҰҰМ Төралқасының хатшы мүшесі Рыдван Уз; Невшехирден сайланған Парламент депутаты (AK Parti) Эмре Чалышкан; Кютахьядан сайланған Парламент депутаты (MHP) Ахмет Эрбаш; ТҰҰМ Төрағасы аппаратының басшысы Айдын Демирөз; ТҰҰМ Сыртқы байланыстар және протокол департаментінің басшысы, елші Ахмет Айдын Доган; сондай-ақ ТҰҰМ Төрағасының баспасөз жөніндегі кеңесшісі Ахмет Өзгүр болды.