Бас хатшы Түркі мемлекеттерінің Мажарстандағы елшіліктері ұйымдастырған іс-шараларға қатысты

Ғұн-Түркі құрылтайына қатысу үшін Мажарстанға сапары барысында Бас хатшы Мехмет Сүрейя Эр 2024 жылғы 8-9 тамызда Будапештте Түркі мемлекеттерінің елшіліктері ұйымдастырған шараларға қатысты. 8 тамызда Қырғыз Республикасының Мажарстандағы Елшілігі Қырғызстанның мемлекеттілік тарихындағы маңызды кезең болған Қара-Қырғыз Автономиялық облысының құрылғанына 100 жыл толуына орай қабылдау өткізді. 9 тамызда Түркия Республикасының Мажарстандағы Елшілігі 2024 жылғы Ғұн-Түркі құрылтайына орай қабылдау өткізді. Осы күні Қазақстан Республикасының Мажарстандағы Елшілігінің ұйымдастыруымен Будапешт қалалық саябағында қазақ ақыны және ойшылы Абай мүсінінің жанында Абай күніне орай еске алу рәсімі өтті. Іс-шара барысында қатысушылар сөз сөйлеп, Абай мүсініне гүл шоқтарын қойып, қазақ және мажар тілдерінде Абай өлеңдері оқылды. Түркі мемлекеттерінің елшіліктері ұйымдастырған іс-шараларға Түркі ынтымақтастығы ұйымдарының басшылары мен өкілдері, дипломатиялық корпус өкілдері және басқа да қонақтар қатысты.