Айбек Арқабайұлы Дәдебай

1980 жылғы 1 сәуірде Алматы қаласында дүниеге келген. Абылай хан атындағы Қазақ халықаралық қатынастар және әлем тілдері университетін «халықаралық құжаттанушы» мамандығы бойынша тәмамдап, аймақтану магистрі дәрежесін алған.

          Жоғары білім беру саласындағы кәсіби қызметін Қазақ мемлекеттік халықаралық қатынастар және әлем тілдері университетінің халықаралық туризм менеджменті кафедрасының оқытушысы болып бастаған.

Еңбек жолының басым бөлігін мемлекеттік қызмет пен мемлекеттік басқару мәселелеріне арнаған. Қазақстан Республикасы Парламенті Сенаты Аппаратының Парламентаралық байланыстар және халықаралық ынтымақтастық бөлімінде сарапшы болып еңбек еткен, Сенат Төрағасы көмекшісінің міндетін атқарған.

2011 – 2013 жылдары Женевадағы Қазақстан Республикасының Біріккен Ұлттар Ұйымы жанындағы Тұрақты Өкілдігінің атташесі, үшінші хатшысы болды.

Кейінгі жылдары мемлекеттік биліктің жоғары органдары жүйесінде басшылық қызметтер атқарды: Қазақстан Республикасы Парламенті Сенаты Төрағасының Хатшылығын басқарды, Қазақстан Республикасы Президенті Кеңсесі бастығының орынбасары, Қазақстан Республикасы Президенті Іс басқарушысының орынбасары болып жұмыс істеді.

2022 жылғы қаңтарда Қазақстан Республикасы Президентінің Іс басқарушысы болып тағайындалды. Бұл қызметте мемлекеттік институттардың тиімділігін арттыруға бағытталған ауқымды ұйымдастырушылық және басқарушылық реформалардың жүзеге асырылуын қамтамасыз етті.

2024 жылғы ақпан – 2026 жылғы мамыр аралығында Қазақстан Республикасы Президенті Әкімшілігінің Басшысы қызметін атқарып, негізгі мемлекеттік реформалар мен стратегиялық бастамаларды іске асыру жөніндегі қызметті үйлестірді.

2026 жылғы 7 мамырдан бастап «Әділет» партиясының төрағасы болды.

2026 жылғы 28 тамызда І шақырылымдағы Қазақстан Республикасы Құрылтайының Төрағасы болып сайланды.

І сыныпты Төтенше және Өкілетті Уәкiл дипломаттық дәрежесіне ие.

Көп жылғы мемлекеттік қызметі мен ел дамуына қосқан үлесі үшін «Құрмет», «Парасат» және І дәрежелі «Барыс» ордендерімен, сондай-ақ «Ерен еңбегі үшін» медалімен марапатталған.